Basa Sunda Kumaha Wartosna?

A

Abdi (Arab), lemes tina kuring; abdi-abdi, rayat: Abdi-abdi arusaha sangkan kaamanan buru-buru pulih deui; ngabdi, ngawula: Parapagawe padajangji, moal ngijing sila bengkok sembah, enggoning ngabdi ka nagara teh.

Abong, abong-abong, abong deui, abong kena, sok dikedalkeun lamun aya hal anu karasana teu merenah, teu pantes atawa teu hade: abong biwir teu diwengku, abong letah teu tulangan (babasan), jelema anu ngomongna sakarep-karep (ngomong teu reujeung wiwaha): abong-abong usum sagala mahal, nawarkeun teh teu kira-kira; abong deui barang-bere teh, bet ngan sasiki; abong kena (kena-kena) geus beunghar, teu nanya-nanya acan.

U

Udik (Jakarta), girang, daerah nu jauh ti laut; mudik, maju ka girang, nyaba ka pagunungan; hilir-mudik atawa milir-mudik, ka hilir ka girang pulang-anting; udikan, anak kancra (kancra ngarendogna di walungan bagian girangna).

Ujug-ujug, jol-jol: Teu gugur, teu angin, ujug-ujug ngambek, teu disangka atawa teu aya tanda-tanda ti awalna, jol-jol....