Paribasa Sunda (Bagian Kaopat)

N

Nete taraje nincak hambalan, tartib, mapay ti pajabat nu handap ka nu leuwih luhur (dina ngasongkeun panuhun jste.)

Ngadek sacekna nilas saplasna, nyarita satarabasna tara direka.

Ngadu angklung, parebut omong hayang pa-unggul-unggul.

Ngadagoan belut sisitan, oray jangjangan, moal kaalaman, mustahil kajadian.

Ngawur ka sintu nyieuhkeun hayam, mere maweh ka deungeun-deungeun ari ka baraya joledar.

Ngeunah angen, ngeunah angeun, pamajikan satia, ngeunah pasakanana, cukup dahareun tur taya kasusah.

Ngeplek jawer ngandar jangjang, miyuni hayam kabiri, bereset, elehan.

Ngeupeul ngahuapan maneh, nyarita saperti nu mere nasehat kalawan maksud supaya manehna sorangan nu meunang untung.

Nginjeum sirit ka nu kawin, nginjeum barang nu keur dipake ku nu bogana.

Ngudag-ngudag kalangkang heulang, ngaharep perkara nu samar bisa kalaksanakeun.

Nu borok dirorojok, nu titeuleum disimbeuhan, nu keur susah dipupuas, atawa ditambah kasusahanana.

Nu ha’at dipulang moha, nu asih dipulang sengit, nu nyieun kahadean dibales ku kagorengan.

Nyanggakeun beuheung teukteukeun, suku genteng belokeun, masrahkeun diri lantaran rumasa salah.

Nyieun pucuk ti girang, nyieun jalan pipaseaeun.

P

Pelengkung bekas nyalahan, mimitina alus tapi saterusna goreng (kalakuan).

Pipilih nyiar nu leuwih, koceplak meunang nu pecak, hayang nu leuwih alus, kalah meunang nu goreng atawa nu sok pipilih teuing ahirna kapaksa kudu narima nu leuwih goreng manan nu ditampik.

S

Sa-herang-herangna cibeas, sabersih-bersihna hate nu dinyenyeri, moal bersih pisan.

Sakiriciking duit sakocopoking bogo, rupa-rupa perkara nu boga daya tarik kana hate.

Sereg di panto logor di liang jarum, teu bisa campur di kalangan jalma-jalma hade lantaran loba dosa (jahat).

Sieun keplok jadi (tuluy) bahe atawa tamplok, sieun rugi saeutik, tapi ahirna ngegel curuk.

T

Tangkal kai teu kalis ku angin, unggal jelema kudu bae nyorang boga kasusah.

Titirah ngadon kanceuh, neangan kasenangan tapi kalah meunang kasusah.

Tunggul dirarud, catang dirumpak, ngalajur napsu, taya nu dihiding.

Paribasa Sunda (Bagian Katilu)

B

Balung kulit kotok meuting, kanyenyerian atawa kanyeri heubeul teu leungit-leungit.

Bebek ngoyor di sagara, rek nginum neangan cai, susah hirup di nagara nu lubak-libuk sagala aya, lantaran ekonomina geus dicekel ku deungeun-deungeun.

C

Cikaracak ninggang batu, laun-laun jadi legok, upama dileukeunan bari junun, sagala rupa nu hese oge bakal bisa.

D

Dijieun hulu teu nyanggut, dijieun buntut teu ngepot, teu beunang dijeujeuhkeun, tara eucreug bae.

G

Goong saba karia, nu datang sorangan ka nu kariaan, teu karana diondang atawa dicorok gawe, malar katitah ngarah milu seubeuh (barang dahar).

K

Kabeureuyan mah lain (tara) ku tulang munding tapi ku cucuk peda, biasana kacilakaan teh dilantarankeun ku perkara leutik anu henteu diperhatikeun.

Kacang poho ka lanjaran, poho ka asal wiwitan, pindah pileumpangan (jalma leutik nu kabeneran bisa meunang kadudukan nu penting).

Kajeun kendor (asal) ngagembol ti batan gancang pincang, kajeun pagawean teu gancang anggeus tapi hade, ti batan dirurusuh sarta goreng.

Kalapa bijil ti cungap, ngomongkeun rasiah sorangan.

Kandel kulit beungeut, kurang atawa taya kaera.

Kawas kuda leupas ti gedogan, ngumbar kahayang lantaran geus euweuh nu ngahalang-halang.

Kawas pantun teu jeung kacapi, bisa mapatahan wungkul teu bari nyontoan.

Kebo mulih pakandangan, balik ti pangumbaraan ka tempat asal sarta teu niat ingkah deui.

Kotok bongkok kumorolong, kacingcalang kumarantang, lauk buluk milu mijah, puritan milu endogan, pipilueun nyarita (diomongkeun ka nu lain layakna).

Kukuk sumpung dilawanan dada leway, sarua gorengna, nu ngambek dilawan ngambek, nu burung dilawan gelo.

L

Leuleus kejo poena, mimitina bengis tapi beuki bageur (dunungna atawa guru).

Lodong kosong ngelentrung, pamoyok ka jalma nu taya kanyaho, tapi loba omong tanpa eusi.

M

Mindingan beungeut ku saweuy, api-api teu nenjo kasalahan bawahan atawa rayat lantaran teu mampuh ngayakeun tindakan saperluna.

Mobok manggih gorowong, kabeneran aya jalan pikeun ngahasilkeun usaha nu ker dipaju.

Moro julang ngaleupaskeun peusing, ngalesotkeun barang nu geus kapimilik, lantaran kabita ku nu leuwih gede, padahal can tangtu hasil.

Mun kiruh ti girang komo ka hilirna, upama nu kasebut jadi pamingpin lampahna kurang hade, komo anu dipingpinna (rahayat).

Kawas Kuda Leupas ti Gedogan (Paribasa Sunda Bagian Katilu)

https://youtu.be/eZbObKqdDhk

Rudatz FM on YouTube

Selain di channel radio streaming, kini Rudatz FM telah hadir di channel YouTube.

Sila subscribe dan like untuk mengikuti channel ini.

https://www.youtube.com/channel/UCaUu8wcsaWYsu-fq333zHrA

Paribasa Sunda (Bagian Kadua)

A

Adam lali tapel, poho ka baraya.

Adean ku kuda beureum, ginding ku barang beunang nginjeum.

Ayakan mah tara meunang kancra, usaha ku modal leutik, hasilna ge moal gede.

Aya jalan komo meuntas, kabeneran aya lantaran, pikeun gancang-gancang ngalaksanakeun pamaksudan.

B

Banda tatalangraga, leuwih hade ngorbankeun banda, batan cilaka awak.

Banda sasampiran (sasampeuran), nyawa (umur) gagaduhan, boh banda boh nyawa, Pangeran nu kagungan.

Batok bulu eusi madu, goreng rupa atawa euweuh tagog, tapi pinter jeung bageur.

Bengkung ngariung, bongkok ngaronyok, kajeun hirup ripuh, asal tetep teu pajauh jeung anak incu.

Bentik curuk balas nunjuk, ngan bisa marentah atawa nitah wungkul, henteu prak digawe ku sorangan.

Bobot pangayon-timbang taraju, timbangan, kaadilan.

D

Dibere sabuku menta sajeungkal, dibere sajeungkal menta sadeupa, lantaran asal dibere wani saeutik, jadi beuki loba pamentana sarta nyalutak (jalma kurang ajar).

E

Elmu ajug, tumerap ka jalma nu bisa mapatahan kahadean ka batur, tapi menehna sorangan teu ngajalankeun papatahna.

G

Gunung luhur beunang diukur, laut jero beunang dijugjugan, tapi hate jelema najan deet teu kakobet, nganyahokeun kahayang atawa eusi hate jelema nu dirasiahkeun kacida hesena.

H

Halodo sataun lantis ku hujan sakali, kahadean nu geus aya jamanna bisa leungit (punah) ku kagorengan sakali.

Hantang hantung hantigong hantriweli, kalah ka hade rupa hade tagog, tapi taya araheunana (jalma).

I

Indung lembu bapak banteng, turunan gagah, beunghar, menak ti indung ti bapa.

J

Jogjog neureuy buah loa, mikahayang perkara nu teu layak.

Jojodog unggah ka salu, urut badega jadi patih goah atawa jadi juragan istri.

K

Ka luhur henteu sirungan, ka handap henteu akaran, dilarapkeun ka jelema nu teu jamuga.

M

Manuk hiber ku jangjangna, jalma hirup ku akalna, unggal makhluk ku Allah geus dipaparin rupa-rupa parabot pikeun nyiar kahirupanana (rejekina).

Marebutkeun balung tanpa eusi, madukeun perkara nu teu taya hasilna.

Radio Streaming Rudatz FM

Rudatz FM hadir di channel radio streaming. Semoga kedepan Rudatz FM dapat siaran berkala dan bersiaran di jalur modulasi frekuensi (FM). Aamiin. Sila kunjungi via link di bawah ini.

Visit my Rudatz FM Website

Free Shoutcast HostingRadio Stream Hosting